Мероприятия

Астана қалалық полиция департаментінің Экстремизмге қарсы күрес басқармасының қызметкерлері No32 мектеп-гимназиясының оқушыларымен кездесу өткізді.

Астана қалалық полиция департаментінің Экстремизмге қарсы күрес басқармасының қызметкерлері No32 мектеп-гимназиясының оқушыларымен кездесу өткізді.
Отырыстың тақырыптары күдікті объектілерді анықтау кезіндегі іс-қимыл ережелері, лаңкестік әрекеттерден туындайтын қауіптерді жою алгоритмдері, сондай-ақ төтенше жағдайларда халықтың қауіпсіздігін қамтамасыз ету шаралары болды. Іс-шара барысында қатысушыларға танымдық бейнероликтер көрсетіліп, төтенше жағдайларда адам өмірі мен денсаулығын сақтау бойынша ұсыныстар жазылған парақшалар таратылды.
Сонымен қатар, қылмыстың алдын алу мақсатында Қазақстан Республикасы Қылмыстық кодексінің 273-бабына сәйкес терроризм актісі туралы көрінеу жалған хабарлама жасағаны үшін қылмыстық жауапкершілік туралы ақпарат берілді.
Бұл кездесудің негізгі мақсаты – жастар мен педагогикалық ұжымның экстремалды жағдайларда өзін-өзі ұстау ережелері туралы ақпараттандыру деңгейін арттыру, қоғамдық қауіпсіздік мәселелеріне жауапкершілікпен қарауды қалыптастыру және заңға қайшы әрекеттердің алдын алу.

https://www.instagram.com/p/DI1GTkcicvx/?utm_source=ig_web_copy_link&igsh=MzRlODBiNWFlZA==